- 24 Urr 2019
- Posted by Komunikazioa Uggasa
- Sailkatu gabea
- 0 Likes
Larunbatean Zumarragako Zelai Ariztin Bertatik Bertara bigarren azoka ospatuko dugu.
Bertatik Bertara azokaren bigarren edizio honek, ekoizleen eta kontsumitzaileen topaketa izatea du helburu. Garaian-garaiko produktuak eskainiz, herritarrak inguruko ekoizleak ezagutzeko aukera izango dute, bertoko produktuak dastatzearekin batera.
Goizeko 10:00etan hasiko da azoka, 15:00ak arte. Goiz osoan zehar bertako produktuen postuak egongo dira, baita umeentzako tailerrak ere. Eguerdiko 12:00tan gau osoan zehar burduntzian erreko den Donardegi baserriko txahalaren pintxoak dastatzeko aukera egongo da euro baten truke.
Zazpi ekoizlek hartuko dute parte euren produktuekin:
- Agerre baserria Urretxutik: esneki eta barazkiak
- Aikur erle museoa Urretxutik: eztia, propolia eta argizaria
- Baztarrika baserria Gabiriatik: gazta
- Beain baserria Urretxutik: oilaskoak eta sagarrak
- Hariztizabal baserria Itsasotik: ogia eta sagarrak
- Leturiondo baserria Zumarragatik: haragia
- Martimuño baserria Zumarragatik: barazkiak
14:00etan pintxoa dastatu dutenen artean bertako produktuz osaturiko lote ezberdinak banatuko dira.
Data gorde, larunbatean, urriak 26, 10:00etatik 15:00etara Zumarragako Zelai Ariztin ikusiko dugu elkar.
Gerturatu zaitez!
Post a Comment